“BMT Modeli” Simulyasiya Seminarına ərizələr qəbul olunur.

21 iyun 2014

image

BMT-nin İnkişaf Proqramı, BMT-nin Əhali Fondunun, Azərbaycan Respublikası Gənclər və İdman Nazirliy və Azərbaycan Respublikası Gənclər Təşkilatları Milli Şurasının birgə təşkilatçılığı ilə Bakıda 11 iyul tarixində 2015-ci ildən sonrakı əsas inkişaf məsələlərinin Milli Müzakirəsinin ikinci mərhələsi çərçivəsində fəal gənclərin iştirakı ilə “BMT Modeli” Simulyasiya Seminarı keçiriləcək.

“BMT Modeli” Birləşmiş Millətlər Təşkilatının müxtəlif Komitə nümayəndələrinin gənclər tərəfindən təmsil olunduğu simulyasiya oyunudur. İştirakçılar təmsil etdikləri ölkələrin faktiki siyasəti əsasında onların siyasi mövqelərini tədqiq edir və həmin ölkələrin siyasi mövqeyinə uyğun çıxış edə bilmək üçün siyasi yanaşmalar hazırlayır. Oyunun məqsədi gənclərə liderlik, ictimai danışıqların aparılması və kompromisə getmə yollarının öyrədilməsidir. 

11 iyul tarixində Bakı şəhərində keçiriləcək “BMT Modelinin” əsas mövzusu “Dayanıqlı İnkişaf Məqsədlərinin Müəyyən Edilməsi və Onların Tətbiqi Mexanizmlərinin Tapılması” olacaqdır.

Seminarın nəticələri 2015-ci ildən sonrakı qlobal inkişaf çərçivəsinin hazırlanması üçün BMT tərəfindən Azərbaycanda hazırda həyata keçirilən milli məsləhətləşmələrin nəticələrinə daxil ediləcək. Simulyasiya Seminarının iştirakçıları sertifikatlarla təltif olunacaq. 

“BMT Modelində” iştirak etmək istəyən gənclər CV (Tərcümeyi-Hallarını) leyla.israfilova@nayora.az ünvanına göndərməlidir.

SON MÜRACİƏT TARİXİ: 28 iyun 2014-cü il, 19:00