Naxçıvanda BMT Modeli konfransı keçirilir

Thu May 12 00:00:00 EDT 2016

Naxçıvan MUN iştirakçılarının qrup şəkili

12 – 15 may 2016-cı il tarixlərdə Naxçıvan Dövlət Universitetində Naxçıvan BMT Modeli Konfransı (NaxchivanMUN) keçiriləcəkdir. Bu tədbir BMT-nin İnkişaf Proqramının Naxçıvan Muxtar Respublikasında təşkil etdiyi ilk tədbirdir.

Konfrans çərçivəsində BMT Baş Assambleyasının işi simulasiya ediləcək. Simulyasıyanın mövzusu “Təhsildə yeni imkanların yaradılması üçün beynəlxalq əməkdaşlığın inkişaf etdirilməsi” seçilmişdir. Konfransda Naxçıvan Dövlət Universiteti, “Naxçıvan” Universiteti, həmçinin “ADA” Universiteti, Azərbaycan Respublikasının Prezidenti yanında Dövlət İdarəçilik Akademiyası, Azərbaycan Dövlət İqtisad Universiteti, “Xəzər” Universiteti, Qərb Universiteti və digər ali məktəblərin tələbələri iştirak edirlər. Konfransın “Ən yaxşı nümayəndə”, “Ən yaxşı debyutant” və “Ən yaxşı debatçı”sı seçiləcəkdir.

Konfransın açılış mərasimi Naxçıvan Muxtar Respublikasının gənclər və idman naziri Azad Cabbarovun, Azərbaycan Respublikasının gənclər və idman nazirinin müavini İntiqam Babayev, Birləşmiş Millətlər Təşkilatının rezident əlaqələndiricisi və BMT-nin İnkişaf Proqramının rezident nümayəndəsi Qulam İsakzai, Naxçıvan Dövlət Universitetinin rektoru Saleh Məhərrəmov və “Naxçıvan” Universitetinin rektoru İsmayıl Əliyevin iştirakı ilə keçirilmişdir.

Konfrans Azərbaycan Respublikasının Gənclər və İdman Nazirliyi ilə BMT-nin İnkişaf Proqramının “Qlobal siyasi müzakirələrdə gənclərin fəal iştirakının dəstəklənməsi üçün yeni platformalar yaradılması haqqında” adlı birgə layihəsi çərçivəsində həyata keçirilir. Layihənin əsas məqsədləri ölkədə BMT Modeli (bundan sonra – MUN) hərəkatının institutlaşdırılması, ali təhsil müəssisələrində MUN klublarinin təsis edilməsi və onları birləşdirəcək MUN şəbəkəsinin yaradılmasıdır. Bu istiqamətdə universitet səviyyəsində və universitetlər arası MUN konfranslar təşkil edilib, həmçinin ölkə miqyasında ən böyük BMT Modeli konfransı olan MİlliMUN konfransının ənənəsi qoyulubdur.

Əlavə məlumat üçün

Ruslan Ismayil-zadə, İctimai Əlaqələr üzrə məsul şəxs, ruslan.ismayilzada@undp.org