2017-ci il Ümumdünya Ətraf Mühit Günü Azərbaycanda qeyd olundu

Mon Jun 05 00:00:00 EDT 2017

Bakı, Azərbaycan: Ətraf mühit problemləri haqqında maarifləndirməni və təbiətin qorunması üçün fəaliyyəti təşviq etmək üçün iyunun 5-i Ümumdünya Ətraf Mühit günü kimi qeyd olunur.Bu ilin mövzusu isə “İnsanlarla Təbiəti Qovuşduraq” adlanır.

BMT Azərbaycan Nümayəndəliyi Ekologiya və Təbii Sərvətlər Nazirliyi və İDEA İctimai Birliyi ilə birgə bu günün qeyd edilməsi üçün təşəbbüs göstərib.

Tədbir Azərbaycanın ilk etno-ekoloji və arxeoloji qoruğu olan Qala Dövlət Tarix-Etnoqrafiya Muzeyində keçirilib. Bu muzey kompleksinə təsərrüfat (qoyunçuluq, taxılçılıq, meyvəçilik) ənənəvi sənət (xalçaçılıq və keçəçilik), eləcə də təbii qida və sənətkarlıq emalatxanaları daxildir.

Tədbirdə Birləşmiş Millətlər Təşkilatı İnkişaf Proqramının Azərbaycan Nümayəndəliyinin dəstəyi ilə 7-10 yaşlı uşaqlar arasında rəsm müsabiqəsi üçün çəkilmiş şəkillərdən ibarət sərgi təşkil edilmişdir. Bu rəsm müsabiqəsinin mövzusu ”Ətraf mühit və insan sağlamlığına məişət tullantılarının mənfi təsirlərini azaldaq” olmuşdur. Müsabiqə uşaqlara, müəllimlərə və valideynlərə məsuliyyətsiz istehsal və istehlakın təbiət və insan sağlamlığına mənfi təsirlərini daha dərindən anlatmaq məqsədi ilə təşkil edilmişdir.

Müsabiqənin qaliblərini mükafatlandıran BMT Rezident Əlaqələndiricisi və BMTİP Rezident Nümayəndəsi cənab Qulam İshaqzai planetimizin qorunmasında gənclərin böyük potensialının və mühüm rolunun olduğunu vurğulayıb.

“Uşaqlar təbii olaraq ətraf mühiti qorumağa meyllidir. Onlar ağac əkmək, təmizlik işləri aparmaq, heyvanların qayğısına qalmaq üçün öz vaxtlarını və səylərini sərf etməyə həmişə hazırdırlar” deyən cənab İshaqzai uşaqların davranışının dəyişməsində məktəb təhsilinin əhəmiyyətini vurğulayaraq bildirmişdir.

Slide
Slide
Slide
Slide
Slide
Slide
Slide
Slide
Slide
Slide
Slide