Bakı, 9 iyun 2021-ci il – Ekologiya və Təbii Sərvətlər nazirinin müavini Rauf Hacıyev, BMT-nin İnkişaf Proqramının Rezident nümayəndəsinin müavini Çaru Bist və Avropa İttifaqının Azərbaycandakı nümayəndəliyinin Siyasət, Mətbuat və İnformasiya şöbəsinin rəhbəri Zoltan Szalai “Planetimizi Sağaldaq” uşaqlar üçün rəsm müsabiqəsinin qaliblərini elan ediblər.

BMTİP-nin Rezident nümayəndəsinin müavini Çaru Bist açılış nitqində qeyd edib ki, “önümüzdəki on il ərzində xüsusilə də BMT-nin Ekosistemin Bərpası proqramının başlaması ilə biz meşələrimizi yenidən əkməli və müdafiə etməliyik, çayları, dənizləri və okeanları təmizləməli və şəhərlərimizi yaşıllaşdırmalıyıq ki, iqlim böhranının və çirklənmənin qarşısını alaq və növlərin yox olmasına son qoyaq. BMTİP hər kəs üçün daha yaşıl və daha dayanıqlı gələcək təmin etmək üçün Azərbaycan Hökuməti və xalqına dəstək göstərməyə davam edəcək.”

“Avropa İttifaqı iqlim dəyişikliyi ilə mübarizədə ön cəbhədədir. Yeni “Yaşıl Razılaşmanın” imzalanması ilə Aİ emissiyaların azaldılması ilə bağlı iddialı məqsədlər qoyub və bütün partnyorları bu təşəbbüsə qoşulmağa dəvət edir. Bizim Azərbaycanla əməkdaşlığımız buna çox gözəl nümunədir. Bugünkü tədbir “E4Climate” regional proqramının dəstəyi ilə təşkil edilib. Bu proqram digər regional “EU4” layihələri ilə birgə su, ətraf mühit, enerji və daha bir çox sahəni əhatə edir.“ - Avropa İttifaqının Azərbaycandakı nümayəndəliyinin Siyasət, Mətbuat və İnformasiya şöbəsinin rəhbəri Zoltan Szalai qeyd edib.

Müsabiqədə 7-12 yaş arası 200-ə yaxın uşaq iştirak edib və ətraf mühitin qorunmasının vacibliyi barədə məlumatın zənginləşdirilməsində öz yaradıcı töhfəsini verib.

İnkişaf və ətraf mühit üzrə ekspertlərdən ibarət münsiflər heyəti bütün əl işlərini qiymətləndirib.

Mükafatlar iki yaş kateqoriyasında təqdim olunub: 7-9 və 10-12. Ən yaxşı 6 əl işinə isə kitab mağazasından hədiyyə kartları, sertifikatlar və rəsm dəstləri təqdim olunub.

7-9 yaş kateqoriyası üzrə qaliblər:

1-ci yer (kitab mağazasından 100 manatlıq hədiyyə kartı) - Kövsər Qurban (7 yaş)

2-ci yer (kitab mağazasından 70 manatlıq hədiyyə kartı) – Xədicə Əzimli (8 yaş)

3-cü yer (kitab mağazasından 50 manatlıq hədiyyə kartı) - Könül Məmmədova (9 yaş)

10-12 yaş kateqoriyası üzrə qaliblər:

1-ci yer (kitab mağazasından 100 manatlıq hədiyyə kartı) - Aylin Əliyeva (10 yaş)

2-ci yer (kitab mağazasından 70 manatlıq hədiyyə kartı) - Sehri Zeynalabdinova (12 yaş)

3-cü yer (kitab mağazasından 50 manatlıq hədiyyə kartı) - Mehriban İmamverdiyeva (11 yaş)

Bundan əlavə, 44 uşağa nailiyyət sertifikatları, təqdirnamələr, eləcə də rəsm dəstləri verilib.

* Sözügedən rəsm müsabiqəsi Avropa İttifaqının maliyyələşdirdiyi və BMT-nin İnkişaf Proqramının və Ekologiya və Təbii Sərvətlər Nazirliyinin birgə həyata keçirdiyi “EU4Climate” layihəsi çərçivəsində təşkil olunub.

Əlaqə üçün məlumat:

Dilarə Umudova, BMTİP-nin Azərbaycan ofisinin İctimai əlaqələr üzrə baş mütəxəssisi – dilara.umudova@undp.org

Gülnarə Bayramova, Avropa İttifaqının Azərbaycan Nümayəndəliyinin Mətbuat və İnformasiya Rəhbəri gulnara.bayramova@eeas.europa.eu

Avropa İttifaqı öz nou-hausunu, resurslarını və amallarını tədricən birləşdirmək qərarına gəlmiş 27 üzv dövlətdən ibarətdir. 60 ildən artıq genişlənmə müddəti ərzində, onlar, birgə olaraq, mədəni müxtəlifliyi, tolerantlığı və fərdi azadlıqları qoruyub saxlayaraq, sabitlik, demokratiya və dayanıqlı inkişaf zonasını yaradıblar. Avropa İttifaqı öz sərhədlərindən kənarda digər ölkə və xalqlarla öz nailiyyətlərini və dəyərlərini paylaşmağa sadiq olan tərəfdir.

BMT-nin İnkişaf Proqramı BMT-nin aparıcı agentliyi olub, yoxsulluq, bərabərsizlik və iqlim dəyişikliyi ilə mübarizə aparmaqdadır. Biz, 170 ölkədə müxtəlif mütəxəssis və tərəfdaşlarımızdan ibarət geniş şəbəkəmizlə birgə fəaliyyət göstərərək, planet və insanlar üçün hərtərəfli və dayanıqlı həllər üzərində çalışırıq.

Ətraflı məlumat üçün undp.org vebsaytına baş çəkə yaxud Twitter-də @UNDP səhifəsini izləyə bilərsiniz.